Partidos xudiciais de Galicia

Un dos motivos polos que me gusta ser avogada é porque indo de xulgado en xulgado vou coñecendo toda a xeografía de Galicia.

Tiven a sorte de estar en moitas sedes xudiciais en persoa, trámites telemáticos aparte: desde Betanzos a Tui e de Ribeira a Becerreá, pasando por Corcubión, Negreira, Noia, Padrón, Santiago, Ordes, Lugo, Chantada, Lalín, A Estrada, Caldas de Reis, Cambados, Pontevedra, Cangas, Ourense ou a Pobra de Trives.

Seguro que nin te imaxinabas que nalgún deses lugares houbese xulgado pero o certo é que todos eles son concellos “cabeza de partido xudicial” e, polo tanto, teñen un xulgado ou xulgados de primeira instancia e instrución.

O partido xudicial é unha unidade territorial integrada por concellos limítrofes, pertencentes a unha mesma provincia e a sede xudicial está situada no concello que sexa cabeza de partido xudicial, habitualmente o de maior número de asuntos xudiciais ou de poboación.

En Galicia existen 45 partidos xudiciais, ¿sabes cal é o xulgado do teu concello?

Na provincia da Coruña existen 14 partidos xudiciais, por orde alfabética son os seguintes:

• A Coruña: abrangue os concellos de A Coruña, Arteixo, Cambre, Carral, Cerceda, Culleredo e Oleiros.

• Arzúa: Arzúa, Boimorto, Melide, O Pino, Santiso, Toques e Touro.

• Betanzos: Abegondo, Aranga, Bergondo, Betanzos, Coirós, Curtis, Irixoa, Miño, Monfero, Oza-Cesuras, Paderne, Pontedeume, Sada, Sobrado, Vilarmaior e Vilasantar.

• Carballo: A Laracha, Cabana de Bergantiños, Carballo, Coristanco, Laxe, Malpica de Bergantiños e Ponteceso.

• Corcubión: Camariñas, Cee, Corcubión, Dumbría, Fisterra, Muxía, Vimianzo e Zas.

• Ferrol: A Capela, As Pontes de García Rodríguez, As Somozas, Ares, Cabanas, Fene, Ferrol, Mugardos, Narón, Neda, San Sadurniño e Valdoviño.

• Muros: Carnota, Mazaricos, Muros e Outes.

• Negreira: A Baña, Brión, Negreira e Santa Comba.

• Noia: Lousame, Noia e Porto do Son.

• Ordes: Frades, Mesía, Ordes, Oroso, Tordoia, Trazo e Val do Dubra.

• Ortigueira: Cariño, Cedeira, Cerdido, Mañón, Moeche e Ortigueira.

• Ribeira: A Pobra do Caramiñal, Boiro e Ribeira.

• Santiago de Compostela: Ames, Boqueixón, Santiago de Compostela, Teo e Vedra.

• Padrón: Dodro, Padrón, Rianxo e Rois.

Na provincia de Pontevedra existen 13 partidos xudiciais, por orde alfabética son os seguintes:

• A Estrada: A Estrada e Forcarei.

• Caldas de Reis: Barro, Caldas de Reis, Campo Lameiro, Cuntis, Moraña, Pontecesures, Portas e Valga.

• Cambados: Cambados, O Grove, Meaño, Meis, Ribadumia e Sanxenxo.

• Cangas: Cangas, Moaña e Vilaboa.

• Lalín: Agolada, Dozón, Lalín, Rodeiro, Silleda e Vila de Cruces.

• Marín: Bueu e Marín.

• O Porriño: Mos, O Porriño e Salceda de Caselas.

• Ponteareas: A Cañiza, As Neves, Arbo, Covelo, Crecente, Mondariz, Mondariz-Balneario, Ponteareas e Salvaterra de Miño.

• Pontevedra: Cerdedo-Cotobade, A Lama, Poio, Ponte Caldelas e Pontevedra.

• Redondela: Fornelos de Montes, Pazos de Borbén, Redondela e Soutomaior.

• Tui: A Guarda, O Rosal, Oia, Tomiño e Tui.

• Vilagarcía de Arousa: A Illa de Arousa, Catoira, Vilagarcía de Arousa e Vilanova de Arousa.

• Vigo: Baiona, Gondomar, Nigrán e Vigo.

Na provincia de Lugo existen 9 partidos xudiciais, por orde alfabética son os seguintes:

• A Fonsagrada: A Fonsagrada, Baleira, Navia de Suarna, Negueira de Muñiz e Ribeira de Piquín.

• Becerreá: As Nogais, Baralla, Becerreá, Cervantes, Pedrafita do Cebreiro e Triacastela.

• Chantada: Antas de Ulla, Carballedo, Chantada, Monterroso, Palas de Rei, Portomarín e Taboada.

• Lugo: Castro de Rei, Castroverde, Friol, Guntín, Lugo, Meira, O Corgo Outeiro de Rei, Pol e Rábade.

• Mondoñedo: A Pastoriza, A Pontenova, Abadín, Alfoz, Barreiros, Lourenzá, Mondoñedo, O Valadouro, Ribadeo, Riotorto e Trabada.

• Monforte de Lemos: A Pobra do Brollón, Bóveda, Folgoso do Courel, Monforte de Lemos, O Saviñao, Pantón, Quiroga, Ribas de Sil e Sober.

• Sarria: Láncara, Paradela, O Incio, O Páramo, Samos e Sarria.

• Vilalba: Begonte, Cospeito, Guitiriz, Muras, Vilalba e Xermade.

• Viveiro: Burela, Cervo, Foz, O Vicedo, Ourol, Viveiro e Xove.

Na provincia de Ourense existen 9 partidos xudiciais, por orde alfabética son os seguintes:

• A Pobra de Trives: A Pobra de Trives, A Teixeira, Castro Caldelas, Chandrexa de Queixa, Larouco, Manzaneda, Montederramo, O Bolo, San Xoán de Río, Viana do Bolo e Vilariño de Conso.

• Bande: Bande, Calvos de Randín, Entrimo, Lobeira, Lobios, Muíños, Padrenda e Verea.

• Celanova: A Bola, A Merca, Cartelle, Celanova, Gomesende, Quintela de Leirado e Ramirás.

• O Barco de Valdeorras: A Rúa, A Veiga, Carballeda de Valdeorras, O Barco de Valdeorras, Petín, Rubiá e Vilamartín de Valdeorras.

• O Carballiño: Beariz, Boborás, Maside, O Carballiño, O Irixo, Piñor, Punxín, San Amaro e San Cristovo de Cea.

• Ourense: A Peroxa, Allariz, Amoeiro, Baños de Molgas, Barbadás, Coles, Esgos, Maceda, Nogueira de Ramuín, O Pereiro de Aguiar, Ourense, Paderne de Allariz, Parada de Sil, San Cibrao das Viñas, Taboadela, Toén, Vilamarín, Xunqueira de Ambía e Xunqueira de Espadanedo.

• Ribadavia: A Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón, Pontedeva e Ribadavia.

• Verín: A Gudiña, A Mezquita, Castrelo do Val, Cualedro, Laza, Monterrei, Oímbra, Riós, Verín e Vilardevós.

• Xinzo de Limia: Baltar, Os Blancos, Porqueira, Rairiz de Veiga, Sandiás, Sarreaus, Trasmiras, Vilar de Barrio, Vilar de Santos e Xinzo de Limia.

Os Xulgados de Paz

Se o teu concello non é cabeza de partido xudicial (os marcados arriba en negriña) non ten xulgado ou xulgados de primeira instancia e instrución, pero si un Xulgado de Paz, que non existe nos municipios que son cabeza de partido.

Os Xulgados de Paz están servidos por un xuíz lego, é dicir, que non se lle esixe ter título de Dereito. É nomeado por concello por un prazo de 4 anos e só coñecen litixios de moi pequeno importe (ata 90€) e que non sexan de determinadas materias excluídas, polo que moi rara vez se acude a un Xulgado de Paz por tal motivo.

En cambio, si teño asistido a conciliacións, que deberán celebrarse ante o Xulgado de Paz do domicilio do conciliado, se non reside nun concello que sexa cabeza de partido xudicial.